ABŞ Dövlət Departamentinin nümayəndəsi Bakıya gəlir

Baxış sayı:
3603

ABŞ Dövlət Departamentinin nümayəndəsi Azərbaycan, Ermənistan və Gürcüstana səfərə gəlir.

Bu haqda məlumatı RİA Novosti yayıb.

Məlumata görə, Dövlət katibinin Avropa və Asiya üzrə köməkçisi səlahiyyətlərini icra edən Filip Riker 6-13 iyun tarixlərində Tiflis, Bakı və Yerevana səfər edəcək.

"Riker Gürcüstanda hökumət, müxalifət və vətəndaş cəmiyyətinin nümayəndələri ilə görüşəcək", - deyə məlumatda qeyd olunub.

Bənzər görüşlər Ermənistan və Azərbaycanda da keçiriləcək, amerikalı diplomat bu ölkələrdə həm də Qarabağ münaqişəsinin nizamlanmasını müzakirə edəcək.