Millimizin futbolçusu Ramil Şeydayev UEFA Millətlər Liqasının ikinci turunda Maltaya səfərdə 1:1 hesablı heç-heç etdikləri oyunu şərh edib.
 
Qol.az-ın məlumatına görə, o, nəticədən narazı olduqlarını bildirib: "Səfərdə 1:1 oynadıq. Nəticədən narazıyıq. Əslində, heç nədən razı deyilik".
 
İkinci hissədə meydana çıxan gənc hücumçu daha sonra söyləyib: "Baş məşqçi məni meydana buraxanda qol vurmaq tapşırığını vermişdi. Buna köklənmişdim, ancaq alınmadı. Kosova qalib gəldi, biz də qalib gəlməliyik. Ümid edirəm ki, növbəti matçda buna nail olacağıq".