ABŞ-ın Florida ştatının Mayami-Deyd şəhərində katolik kilsəsinin iki keşişi avtomobildə intim əlaqədə olarkən yaxalanıblar.
AzVision.az “USA.one”a istinadən xəbər verir ki, 39 yaşlı keşiş Dieqo Berrio və 30 yaşlı keşiş Edvin Ciraldo Kortes intim münasibətdə olarkən ətrafdan keçənlər onları aydın şəkildə görüblər. Lakin amerikalı keşişlər insanların onları görməsinə məhəl qoymadan avtomobildə intim əlaqəni davam etdiriblər.
Sakinlərin şikayəti üzrə əraziyə gələn polis qeyri-etik davranışa görə hər iki keşişi həbs edib. İstintaq zamanı aydın olub ki, Dieqo İllinoys ştatından, Edvin isə Kolumbiyadandır. “Gey” olduqlarını etiraf edən keşiş həmkarlar uzun müddətdir ki, sevgili imişlər. Daha sonra onlar cərimə ödəyərək sərbəst buraxılıblar.
Bu mənada, ABŞ-da katolik kilsəsinin iki keşişinin intim əlaqə üstündə yaxalanması Amerika və dünya gündəminin əsas müzakirə mövzularından birinə çevrilib. Bundan öncə 70 il ərzində 300 amerikalı rahibin 1000-dən çox azyaşlı uşaqları zorlaması ilə bağlı yayılan məlumatlardan sonra, indi də öz aralarında bir-birinə “intim xidmət” təklif etmələri kilsənin və xristian dininin nüfuzuna xələl gətirib. Sosial şəbəkələrdə insanlar xristianlıqda nəinki din xadimləri, üumiyyətlə kişilər arasında intim əlaqənin günah olduğunu yazaraq, bu cür şəxslərin dini təbliğ etmələrini qınayıblar.