Təsadüfən 13 min dollarlıq brilyant üzüyünü zibilliyə atan qadın bələdiyyə işçilərini səfərbər edərək 13 ton zibili boşaltdırıb.
Çində Xia adlı qadın iddia edir ki, zibil atan zaman nişan üzüyü barmağından sürüşərək zibil yeşiyinə düşüb. Üzüyünün olmadığını bir qədər gec fərq edən qadın aidiyyatı qurumlara bu barədə məlumat verərək zibil poliqonunda axtarış işləri aparılmasını tələb edib.
Zibil poliqonunda 8 fəhlə 2 saatdan çox 13 ton zibilin arasında briliyant qaşlı üzük axtarıblar. Nəhayət, üzük tapılaraq sahibinə təhvil verilib(publika.az).