“Yoluxma sayının artması ikinci dalğanın yaranmasına gətirib çıxara bilər” – VÜQAR BAYRAMOV

Baxış sayı:
1621

“Karantin tədbirlərinin yumşaldılması heç də sosial təcrid qaydalarına əməl edilməməsi anlamına gəlməməlidir. Ancaq təəssüf ki, aparılan monitorinqlər göstərir ki, vətəndaşlarımızın bir qismi hətta sosial məsafənin gözlənilməsi tələbinə belə, əməl etmir. Bu isə son günlər koronavirusa yoluxanların sayının artmasına səbəb olub”. Hurriyyet.org xəbər verir ki, bunu İqtisadi və Sosial İnkişaf Mərkəzinin rəhbəri, deputat Vüqar Bayramov deyib.

“Bu məsələdə daha güclü həmrəylik nümayiş etdirməyimizə ehtiyac var”

V.Bayramov vurğulayb ki, pandemiyaya qarşı mübarizə və eyni zamanda hər bir vətəndaşın sosial təcrid tədbirlərinə əməl etməsi, həm onların sağlamlığı, həm də ölkə iqtisadiyyatındakı yenidən formalaşan aktivliyin qorunub saxlanması baxımından vacibdir: “Çünki yoluxma sayının artması ikinci dalğanın yaranmasına və karantin qaydalarının daha da sərtləşdirilməsinə gətirib çıxara bilər. O baxımdan hər birimizin sosial təcrid qaydalarına əməl etməsi vacibdir. Xüsusən də  sağlamlığımızın qorunması, iqtisadiyyatdakı bərpa olunan aktivliyin  saxlanılması, real sektordakı artımın mərhələli şəkildə yüksəlməsi üçün sosial təcrid tədbirlərinə əməl etməyimizə və bu məsələdə daha güclü həmrəylik nümayiş etdirməyimizə ehtiyac var”.