Müxalifet.az xəbər verir ki, tanınmış vəkil Əsabəli Mustafayev bu gün 30 günlük həbs almış AXCP fəalı Üzeyir Abbasovla görüşüb.
 
 Görüşlə bağlı vəkil sosial şəbəkədə status paylaşıb. Statusu olduğu kimi təqdim edirik:
“Bir qədər əvvəl Binaqədi cəzaçəkmə müəssəsində 30 günlük inzibati həbs cəzasını çəkən Üzeyir Abbasov ilə görüşdüm.İlkin yayılmış məlumatlardan bəlli olduğu kimi 2 sentyabr tarixində onun telefonuna zəng edən polis əməkdaşı Üzeyiri polis bölməsinə dəvət edib. Ayağında problem olduğu üçün ağsadığını bildirən Üzeyir gələ bilməyəcəyini, zərurət varsa evdə görüşməyə hazır olduğunu bildirmişdir. Polis əməkdaşı eləməyib tənbəllik gəlib onların evinə və onunla birlikdə 8-ci polis bölməsinə getməyi Üzeyirdən xahiş edib. Üzeyir onunla birlikdə əvvəl Səbail rayon polis idarəsinə, sonra isə 8-ci polis bölməsinə gedib.Məlum olub ki, onun tutulmasının səbəbi bir gün əvvəl öz FB səhfəsində bir karikaturanı şərh verərək paylaşması olub. Polis idarəsində xakerlərin köməyi ilə onun səhfəsindəki bütün statuslar pozulub. Sonra onu sərbəst buraxıblar, lakin tələb ediblər ki, birinci gün yenidən bölməyə gəlsin, buradan onun Bakı Baş polis idarəsinə aparılacağını bildiriblər. Buraxılmamışdan qabaq daha ciddi məsuliyyətə cəlb olunacağı barədə hədələnib. Üzeyir də bölmədən çıxaraq gəlib Amerika səfirliyinin qəbul otağına.Onu içəriyə buraxmayıblar, çöldəki pəncərədən başına gələnləri danışıb və işinin müşhidə olunmasını xahiş edib. Bu zaman çoxlu sayda polis əməkdaşları oraya gəlib və Üzeyiri tutublar. Əvvəl onu Nəsimi polis bölmələrindən birinə aparıblar. Oradan zəng ediblər Səbail 8-ci polis bölməsinə. Bu bölmənin əməkdaşları da gəlib Üzeyiri yenidən həmin bölməyə aparıblar. Həmin günü protokol tətrib olunub ki, Üzeyir 20-ci sahənin ərazisində olarkən küçədə ünvansız söyüş söyüb və bu hərəkətlərin dayandırılması barədə polisin tələbinə tebe olmayıb (uzun illərdir təkrarlanan bu ittihama şərh verməkdən yorulduğum üçün bu dəfə vaz keçirəm). Sentyabrın 2-də günorta saatlarında tutulan Üzeyir yalnız ayın 5-də günortadan sonra məhkəmə qarşısına çıxarılır. Həmin günü ümumiyyətlə olmadığı ərazidə inzibati xəta törətməsi bəhanəsilə məsuliyyətə cəlb edilir.İşin qısa mahiyyəti bundan ibarətdir”.