Amerikada yaşayan azərbaycanlı akrobat, sirk ustası və şoumen Üzeyir Novruzov "America's Got Talent: The Champions" teleşousunda çıxış edib.
Muxalifet.az xəbər verir ki, həmyerlimiz bu dəfə NBC telekanalında nümayiş olunan şouya çıxaraq təhlükəli nömrələrilə münsiflər heyəti və milyonlarla amerikalını təəccübləndirib.
Xatırladaq ki, Üzeyir Novruzov 6 metrlik nərdivanda 7 dəqiqə 50 saniyə qalmaqla Ginnesin Rekordlar Kitabına düşüb. 2015-ci ildə qatıldığı "America's Got Talent" yarışmasında nərdivanla çıxışı ilə məşhurluq əldə edən Ü.Novruzovun rekord yenilənməsinin təsdiqlənməsi mərasimi Çinin paytaxtı Pekində keçirilib.