RAND Corporation (ABŞ, Kaliforniya ştatı) analitik mərkəzi hesab edir ki, hipersəsli raketlərin nəzarətsiz yayılması üçüncü dünya müharibəsinə səbəb ola bilər.
Muxalifet.az-ın xəbərinə görə, ekspertlərin hesabatına Motherboard nəşri diqqət yetirib.
Hesabatda bildirilir ki, hipersəsli raketlər saatda beş min kilometr sürətə malik olurlar, bu səbəbdən hava hücumundan müdafiə sistemləri onlara vaxtında reaksiya verə bilmirlər.
Hipersəsli silah üzərində ABŞ, Çin və Rusiyada işləyirlər, texnologiya ilə Avropa, Yaponiya, Avstraliya və Hindistanda maraqlanırlar. RAND Corporation adı çəkilən ilk üç ölkəyə hipersəsli silahın yayılmasına dair saziş imzalamağı təklif edir. Mərkəzdə əmindirlər ki, texnologiya 10 ildən az bir müddətdə bütün dünya üzrə yayılacaq.