Türkiyə Suriyanın Afrin və Menbiç şəhərləri istiqamətində hücum əməliyyatına hazırlaşır.
Muxalifət.az xəbər verir ki, bu barədə “Əl-Cəzirə” informasiya yayıb.
Məlumata görə, “Fərat qalxanı” əməliyyatı ilə sərhədlərinin təhlükəsizliyini təmin edən Türkiyə, növbəti əməliyyatla terrorçuların İraqın şimalında dəhliz yaratmasının qarşısını almağı hədəfləyir. Bu istiqamətdə sərhədə əlavə hərbi qüvvə cəmləşdirən rəsmi Ankara Afrin və Menbiçi PKK-nın Suriya qanadının əlindən alacaq.