Türkiyə Prezidenti Rəcəb Tayyib Ərdoğanla rusiyalı həmkarı Vladimir Putinin telefon danışığı baş tutub. Muxalifet.az xəbər verir ki, söhbət zamanı Liviya və Suriyadakı son proseslərin müzakirə olunduğu deyilib. Liderlər Liviyada dinc şəraitin və sabitliyin bərpa olunmasının vacibliyini bir daha diqqətə çatdırıblar. Eyni zamanda Putin və Ərdoğan Suriyadakı böhranın həlli üçün yaradılan Astana Formatı çərçivəsində yaxından əməkdaşlığın önəmini vurğulayıblar.