Afrinə yönələn Əsəd tərəfdarı olan şiə qruplaşmalar Rusiyanın vasitəsilə bölgəyə gəliblər.
Muxalifet.az xəbər verir ki, bunu "Avronyus" televiziyasına müsahibəsində PYD terror təşkilatının lideri Saleh Müslüm söyləyib.
"Əsədlə anlaşmamız və ya birbaşa əlaqəmiz yoxdur. Suriya mütəmadi olan suverenlikdən bəhs edir. Heç bir zaman Suriyadan ayrılacağımızı və ya onu böləcəyimizi söyləməmişik. Əsəd rejimi bizə dedi ki, əgər Türkiyəyə qarşı suverenliyinizi qorumaq istəyirsinizsə, biz yardıma hazırıq. Bəzi silahlı bölmələr sərhədə gəldilər, amma heç bir effekt yarada bilmədilər. Bunun üçün rejimlə birbaşa əlaqə qurmurduq, bunu Rusiyanın yardımı ilə edirdik.
Türkiyənin aviazərbələrinin qarşısını yalnız Moskva ala bilər. Rusiya Türkiyənin əməliyyatlarına yaşıl işıq yandırmaqla öz oyununu oynayır. Moskva ilə Ankara arasında razılaşma var" - deyə o bildirib.