Rusiya sülhməramlıları Dağlıq Qarabağa doğru yola salınıb.

APA-nın Rusiya Müdafiə Nazirliyinə istinadən verdiyi məlumata görə, Rusiya Sülhməramlılarının Qarabağa gətirilməsi Ulyanvsk aerodromundan il-76 təyyarələri ilə həyata keçirilir.

Ümumilikdə Dağlıq Qarabağda 1650 Rusiya sülhməramlısının yerləşdirilməsi nəzərdə tutulur.

***

Prezident Azərbaycan, Rusiya və Ermənistan rəhbərlərinin iştirakı ilə imzalanmış sənədin mətnini açıqladı 

Prezident İlham Əliyev Azərbaycan, Rusiya və Ermənistan rəhbərlərinin iştirakı ilə imzalanmış sənədin mətnini açıqlayıb.

Muxalifet.az xəbər verir ki, noyabrın 10-u Moskva vaxtı ilə saat 00:00-dan etibarən Dağlıq Qarabağ münaqişəsi zonasında atəşin və hərbi əməliyyatların tam dayandırılması elan olunur. Azərbaycan və Ermənistan Respublikası hazırda tutduqları mövqelərdə qalacaqlar.

Ağdam rayonu 20 noyabr 2020-ci il tarixinədək Azərbaycana qaytarılacaq. 

Dağlıq Qarabağda təmas xətti və Laçın dəhlizi boyunca 5 il müddətinə Rusiya Federasiyasının 1960 sayda odlu silahlı hərbi qulluqçusundan, 90 hərbi zirehli texnika, 380 ədəd avtomobil və xüsusi texnikadan ibarət sülhməramlı kontingenti yerləşdirilir.

Rusiya Federasiyasının sülhməramlı kontingenti erməni silahlı qüvvələrinin çıxarılması ilə paralel yerləşdirilir.

Rusiya Federasiyasının sülhməramlı kontingentinin qalma müddəti 5 ildir. Müddətin bitməsinə 6 ay qalmış hazırki müddəanın tətbiqinə xitam verilməsi ilə bağlı tərəflərdən hər hansı biri çıxış etməzsə, müddəti növbəti 5 il üçün uzadılır.

Münaqişə tərəflərinin razılaşmalara əməl etməsinə nəzarətin səmərəliliyinin artırılması məqsədilə atəşkəsə nəzarət üzrə sülhməramlı mərkəz yaradılır.

Ermənistan nəzarət etdiyi Kəlbəcər rayonunu 15 noyabradək, Laçını isə 1 dekabradək Azərbaycana qaytarır.

Dağlıq Qarabağla Ermənistan arasında əlaqəni təmin edəcək və bununla belə Şuşa şəhərinə toxunmayacaq, Laçın dəhlizini 5 kilometr enliyində Rusiya sülhməramlı kontingentinin nəzarətinə verilir.

Tərəflərin razılığı əsasında növbəti 3 il ərzində Dağlıq Qarabağla Ermənistan arasında əlaqəni təmin edən Laçın dəhlizi üzrə yeni hərəkət marşrutunu inşa edilməsi planı müəyyən ediləcək və bununla da həmin dəhlizin mühafizə olunması üçün Rusiya sülhməramlı kontingentinin gələcək yerdəyişməsi nəzərdə tutulur.  

Azərbaycan Laçın dəhlizi ilə hər iki istiqamətdə vətəndaşların nəqliyyat vasitələrinin və yüklərin hərəkətinə təhlükəsizlik zəmanəti verir. 

Daxili məcburi köçkünlər və qaçqınlar Dağlıq Qarabağın ərazisinə və ətraf rayonlarla BMT-nin Qaçqınlar üzrə Ali Komissarlığının ofisinin nəzarəti altında geri qayıdır. 

Hərbi əsirlər, girovlar və digər saxlanılan şəxsləri, habelə cəsədlərin mübadiləsi həyata keçirilir.

Bölgədəki bütün iqtisadi və nəqliyyat əlaqələri bərpa edilir, Ermənistan Respublikasının vətəndaşlarının nəqliyyat vasitələrinin və yüklərin hər iki istiqamətdə maneəsiz hərəkətinin təşkili məqsədi ilə Azərbaycan Respublikasının qərb rayonları və Naxçıvan Muxtar Respublikası arasında nəqliyyat əlaqəsinin təhlükəsizliyinə zəmanət verir. 

Nəqliyyat əlaqəsi üzrə nəzarəti Rusiyanın Federal Təhlükəsizlik Xidmətinin Sərhəd Xidmətinin orqanları həyata keçirir.

Tərəflərin razılığı əsasında Naxçıvan Muxtar Respublikası ilə Azərbaycanın qərb rayonlarını birləşdirən yeni nəqliyyat kommunikasiyalarının inşası təmin ediləcəkdir.

***

Azərbaycan Prezidenti İlham Əliyev, Rusiya Prezidenti Vladimir Putin və Ermənistan Baş naziri Nikol Paşinyan arasında döyüş əməliyyatlarının dayandırılması haqqında bəyanat imzalanıb. 
Muxalifet.az xəbər verir ki, imzalanma video-format qaydasında imzalanıb.

***
Ermənistanın kapitulyasıyasını elan edəcəyi sənədin imzalanması gözlənilir

Yaxın vaxtlarda Ermənistanın kapitulyasıyasını elan edəcəyi sənədin imzalanması gözlənilir.

APA bu barədə diplomatik mənbələrə istinadən xəbər verir. Məlumata görə, Azərbaycan, Türkiyə, Rusiya və Ermənistan arasında aparılacaq müzakirələrdən biri də regiona Rusiya və Türkiyə sülhməramlılarının yerləşdirilməsi ilə bağlı ola bilər.

Müzakirələr nəticəsi olaraq, erməni silahlı qüvvələri Ağdam, Kəlbəcər və Laçın rayonlarının heç bir hərbi əməliyyat olmadan, sülh şəraitində boşaldacaq və Azərbaycan bu ərazilərə nəzarəti bərpa edəcək.

Dağlıq Qarabağın statusu müzakirə predimeti olmayacaq.