​“Qapını açdım uçdu” - Evi dağılan xanım

Baxış sayı:
445

“Bildirilir ki, haqqımızda Nazirlər Kabinetinə məlumat verilib, cavab gözlənilir. Sənədlərimiz, hər şey qaydasındadır”.
Bu sözləri “Qafqazinfo”ya bu gün səhər saatlarında Bayıl qəsəbəsi, Buxta küçəsində baş verən sürüşmə zamanı evi uçan vətəndaş Rəhilə Ağayeva deyir. 
Ərazidə yerləşən mənzil 9, ev 19 a-nin sahibi olan xanım bildirib ki, hadisədən bir neçə gün öncə Səbail rayon İcra Hakimiyyətindən gəlib vəziyyətin təhlükəli olduğunu bildiriblər:
“Getməyə bir yerim yoxdur, ona görə burada yaşamağa məcburam. Ölümümdə heç kimi günahkar saymayacam”. 
R.Ağayeva qeyd edib ki, uçqun olan zaman evdə olub: 
“Birdən ev silkələndi, şaqqıltı gəldi, daşlar tökülməyə başladı. Ayaqyalın qaçdım çölə, qohumumuzgilə getdim. İkinci təkan səhərə yaxın olub, qapını açdım uçdu. 6-7 aydır işığımız və qazımız kəsilib. Suyu da sonradan özümüz birləşdirmişik”.