​ “Parlamentdə evə ehtiyacı olanlar var...” - Deputat

Baxış sayı:
310

Deputatların maaşlarının artırılmasına, bəlkə də, ehtiyac yoxdur. Çünki bu məsələ gündəmə gələn kimi, ajiotaja səbəb olur. Amma onların müavinətlərinin artırılması yaxşı olardı.

Muxalifet.az oxu.az-a istinadən xəbər verir ki, bunu deputat Tahir Kərimli “Milli Məclisin xərclər smetası haqqında” qanun layihəsinin müzakirəsində deyib.

O qeyd edib ki, parlamentin işçilərinin bir çoxu hələ də evsizdir, onların mənzillərə ehtiyacları var: 

“Zaman-zaman bu istiqamətdə addımlar atılır. Ona görə yaxşı olardı ki, Milli Məclisin əməkdaşlarının mənzilə olan ehtiyaclarının və problemlərinin həlli üçün yeni addım atılsın, onlar üçün bina tikilsin”.

T.Kərimli bildirib ki, parlamentin telekanalının yaradılması məsələsinə ciddi ehtiyac var: 

“Neçə illərdir ki, bu məsələ gündəmdədir, ona görə bu məsələ öz həllini tapmalıdır. AzTV-də bizi yaxşı işıqlandırmırlar. Hansı ki, bizim vergilərimiz hesabına maliyyələşir. Bəzən fikirlərimiz təhrif olunur. Bu, mənim də tez-tez başıma gəlir, elə himn məsələsində olduğu kimi. Odur ki, özümüzün televiziyamız olsa, millət həqiqətin nə yerdə və necə olduğunu bilər”.