23 apreldə Respublika Meydanında baş tutan mitinqdə Sarkisyanı devirən etiraz dalğasının lideri deputat Nikol Paşinyan siyasi dialoq təklifinin gündəmdə olduğunu deyib.
 
Nikol Paşinyan bildirib ki, gündəmdə olan suallardan biri də dialoq idi və bu gün də qüvvədədir.
Onun sözlərinə görə, 25 apreldə saat 11.00-da "Ermənistan-Marriott" otelində baş naziri əvəz edən Karen Karapetyan ilə danışıqlara başlayacaq.
"İkinci addım isə, parlamentdə baş nazirin təyin olunmasıdır ki, tezliklə müvəqqəti hökümət formalaşsın. Bu, gələn həftə olacaq.Və sonra mümkün qədər məntiqi erkən parlament seçkiləri keçirilməlidir. ", - deyə, Paşinyan bildirib.
Nikol Paşinyan həmçinin Ermənistanda nifrət mühitinin bitdiyini də vurğulayıb: "Siyasi həyatda kin və qan intiqamı atmosferi istisna olmalıdır və bu inqilab bütün sahibkarlara, onlara qarşı düşmən kimi davranmağa imkan verməməlidir. Hər kəsə müraciət etmək istəyirəm: bir vendetta deyil, nifrət və intiqam olmayacaq. Ermənistanda azadlıq, qardaşlıq, qanun və milli birliyin mühiti yaradılacaq ".
Müxalifət.az