Səudiyyə Ərəbistanı vəliəhd şahzadəsi Məhəmməd ibn Salman ölkəsinin radikal imicini dəyişmək üçün daha bir yeniliyə imza atıb.
Muxalifət.az  xəbər verir ki, şahzadə Ər-Riyadda ilk dəfə qadınların kişilərlə birlikdə olduğu caz festivalı təşkil edib və onlarla birgə musiqi dinləyərək əylənib.
Paytaxtda 3 gün davam edən caz festivalı turistlər qədər yerli əhalinin də marağına səbəb olub. Festivalda ərəblərlə yanaşı, Beyrutdan və ABŞ-ın Orlando əyalətindən olan musiqi qrupları da çıxış edib.
Səudiyyə Ərəbistanında gender bərabərliyi ilə bağlı islahatlar aparılsa da, bəzi məhdudiyyətlər tətbiq edilir. Belə ki, caz festivalında qadınlarla kişilər eyni salonda olsa da, ayrı bölmələrdə əyləşiblər. Yalnız evli olan cütlüklər konserti birlikdə izləyib.
Səudiyyə Ərəbistanı Ümumi Əyləncə Mərkəzi 2018-ci il boyunca ölkədə 5000-dən artıq konsert, festival və tədbirlərin təşkil ediləcəyini açıqlayıb.