İstanbul Bələdiyyə sədri Əkrəm İmamoğlunun xarici qonaqlarla ingiliscə danışması hamını heyrətləndirib.
“Yeni Sabah” bildirir ki, Ə.İmamoğlu onu təbrik məqsədilə ziyarət edən Kolumbiyanın keçmiş prezidenti Andres Pastrana Aranqo, Braziliyanın İstanbuldakı baş konsulu Paulo Roberto França, eləcə də Yunanıstanın baş konsulu Georgia Soultanopoulou ilə ingiliscə danışıb.
İmamoğlu Cihangirdə vətəndaşlarla görüşü zamanı ona sual verən CNN müxbirinə də ingilis dilində cavab verib. Bu barədə müxbir Coe Duran sosial şəbəkədə paylaşım edib.

Qeyd edək ki, Türkiyədə rəhbər vəzifələri tutanların bir çoxunun xarici dil bilgisi ya yoxdur, ya da çox zəifdir.