Gürcü müğənni Nino Katamadze Tiflisdəki aksiyalara dəstək nümayiş etdirərək Moskvada konsert verməkdən imtina edib. Muxalifet.az xəbər verir ki, müğənnin ötən həftə Moskvada baş tutan “Cazz İqamətgahı” festivalında çıxışı ölkəsində kəskin etirazlara səbəb olmuşdu. “Mən bu barədə konsertdə demişəm və istəyirəm yenə bəyan edim: Bu, mənim Rusiyada son çıxışım idi”, - deyə Katamadze İnstaqram səhifəsində yazıb. Sənətçi həmçinin Tiflisdə etirazçıların daxili işlər naziri Georgi Qaxariyanın istefaya getməsi ilə bağlı tələbinin haqlı olduğunu bildirib.