Ağ Ev Milli Təhlükəsizlik məsləhətçisi Con Bolton, Fələstinin ABŞ-ın İsrail səfirliyini Qüdsə köçürməsi haqqında iddia qaldırmasından sonra ABŞ-ın Vyana Diplomatik Münasibətlər Konvensiyasından çəkildiyini açıqlayıb.
 
Ağ Evdə təxminən bir ay ərzində ilk dəfə keçirilən mətbuat toplantısında iştirak edən Con Bolton, ABŞ prezidenti Donald Trampın qərarını açıqlayaraq, "Prezident Tramp, Vyana Diplomatik Münasibətlər Konvensiyası Protokolundan çəkilmə qərarı verib. Bu, sözdə Fələstin dövlətinin gətirdiyi işlə əlaqəlidir" deyib.
ABŞ "Ona qarşı yersiz siyasi iddialara qarşı səssiz qalmayacaq" deyən Bolton, Fələstinin ABŞ səfirliyini Təl-Əvivdən Qüdsə daşımasından sonra açdığı məhkəməni nümunə kimi göstərib.
Bolton, "ABŞ-ın diplomatik münasibətlərdə Vienna müqaviləsində bir tərəf olmağa davam etdiyini qeyd etmək istəyirəm və bütün tərəflərin bu saziş altında beynəlxalq öhdəliklərini yerinə yetirməsini gözləyirik" deyib.
 
Beynəlxalq Ədalət Məhkəməsi Fələstin lehinə qərar vermişdi
 
Mərkəzi Haaqada yerləşən Beynəlxalq Ədalət Məhkəməsi (BƏM), keçən həftə yazılı bir açıqlama verərək, Fələstinin, ABŞ-ın beynəlxalq müqavilələrə riayət etməsinin lazım olduğu və ABŞ səfirliyini Qüdsdən çəkilməsi üçün məhkəmənin qərar çıxarması tələb etdiyini bildirmişdi.
Bəyanatda Fələstinin, ABŞ-ın Qüdsdə səfirlik açmasının 18 aprel 1961-də keçirilən Vyana Müqaviləsinə zidd olduğu və bu səbəblə də məhkəməyə müraciət etdiyi ifadə olunmuşdu.
Müxalifət.az