Ermənistan paytaxtı Yerevanda polis məmurları sabiq prezident Serj Sarqsyanın baş nazir seçilməsinə qarşı keçirilən etiraz aksiyasının 84 iştirakçısını polis bölməsinə aparıb.
“Report” xəbər verir ki, bu barədə “RİA Novosti”yə Ermənistan polisinin Analitik, İnformasiya və KİV ilə əlaqələr şöbəsinin müdiri Edqar Canoyan məlumat verib.
“Hazırda 84 vətəndaş bölmıəyə aparılıb. Onlardan 30-na qarşı inzibati iş açılıb və onlar artıq azad buraxılıblar. 54 vətəndaşın işi isə cinayət törətmək şübhəsi ilə bağlı ibtidai istintaq orqanlarına təhvil verilib”, – E.Conayan deyib.