Türkiyəli gənc sevdiyi qızla olan şəklini feysbuk hesabında paylaşıb, az sonra öldürülüb.
Publika.az xəbər verir ki, eyni məhəllədə böyüyüb bir-birinə aşiq olan cütlüyün ailəsi evliliklərinə qarşı olub. Hətta sevdiyi qızın qardaşları dəfələrlə 23 yaşlı Şahin Erhandan bacılarından uzaq durmağı tələb ediblər.
Şahin isə tələblərə rəğmən iki il öncə sevgilisi Filizlə çəkdirdiyi fotonu feysbuk hesabında paylaşıb. Ertəsi gün Şahinin ardınca düşən maskalı adamlar onu tüfənglə atəşə tutublar. 23 yaşlı gənc hadisə yerində keçinib.