ABŞ ilə ticarət müharibəsi şəraitində olan Çin Xalq Respublikası bu müharibədən qalib çıxmaq üçün "Bir Nəsil, Bir Yol" adlı nəqliyyat şəbəkəsi layihəsinin orta dəhlizində yer alan Türkiyə ilə iqtisadi və siyasi olaraq əməkdaşlığını daha da artıracaq.
 
Çin rəsmiləri, nəhəng layihədə Avropaya açılacaq mühüm qapılardan biri olan Türkiyənin iqtisadiyyatına maraqlarının daha da artdığını bildirərək iki ölkənin iş adamlarına investisiya çağırışı ediblər. Layihənin keçdiyi ölkələrlə əlaqələrini gücləndirməyə çalışan Çin, böyük əhəmiyyət verdiyi layihə çərçivəsində Türkiyəyə daha çox sərmayə qoyacaq.
 
TÜRKİYƏDƏ YENİ İŞ BİRLİYİ AXTARIŞLARINI SÜRƏTLƏNDİRDİLƏR
 
Çinli şirkətlər son dövrdə Türkiyədə enerji, maliyyə və infrastruktur işlərində yeni əməkdaşlıqları üçün də araşdırmalarını artırıb. Bundan başqa, Çin layihənin keçdiyi ölkələrə də xalqını turist səyahətləri üçün təşviq edir. Çini qurudan və dənizdən dünyaya inteqrasiya edəcək layihənin keçdiyi Xian, Quanzhou kimi şəhərlərdə kilometrlərlə uzunluqda böyük lojistika merkəzləri,sərbəst ticarət bölgələri, nəhəng yük hava limanları və çox sayda göydələn tikilir.
 
TÜRKİYƏ LAYİHƏ ÜÇÜN ƏN ƏHƏMİYYƏTLİ DƏHLİZLƏRİN BAŞINDA GƏLİR
 
Çinin dövlət başçısı Xi Jinping tərəfindən “Bir Nəsil, Bir Yol” adlı nəqliyyat şəbəkəsi layihəsi 2013-cü ildə açıqlandı. Bir trilyon dollarlıq, 3 milyard insanı və 65 ölkəyə təsir edəcək nəhəng dəmir və dəniz yolu nəqliyyat şəbəkəsi sayəsində mallar Çindən Asiya, Avropa və Afrikaya daha qısa müddətdə çata biləcək. Türkiyənin orta dəhlizdə olması layihədə əhəmiyyətli yer təşkil edir. Çin, Pekin ilə Londonu Türkiyə üzərindən bağlayacaq Bakı-Tbilisi-Qars dəmir yolu ilə inteqrasiya olacaq Ədirnə-Qars sürətli qatar layihələri ilə Çin Avropaya mallarını daha qısa müddətdə daşıyacaq. Türkiyə ilə Çin arasında mal daşıma müddəti də Çinli rəsmilərin verdiyi məlumata görə, dəmir yolu sayəsində bir aydan 10 günə düşəcək. Avropanın ən ucqar nöqtəsinə isə Çindən mallar 18 gündə çata biləcək. Bununla yanaşı, Çindən "Dəniz İpək Yolu Layihəsi" ilə də Türkiyədəki limanlara gəmilərlə də mallar daşınacaq. Bunun üçün də, Çinin dəniz ipək yolu layihəsinin başlanğıc nöqtəsi olan liman şəhəri Quanzhou istifadə ediləcək.
Müxalifət.az