Bakının Suraxanı rayonunda quldurluq hadisəsi baş verib.
Muxalifet.az apa-ya istinadən xəbər verir ki, hadisə Günəşli qəsəbəsi, "Q" massivi 27 ünvanında törədilib.
Belə ki, mənzilə daxil olan maskalı şəxslər orada 1982-ci il təvəllüdlü Sofiyeva Rəna Cavanşir qızına bir neçə bıçaq zərbəsi vurublar. Həmin şəxslər bundan sonra evi qarət ediblər. Yaralı qadın qonşuların köməkliyi ilə 3 saylı Şəhər Klinik Xəstəxanasına çatdırılıb.
Hadisə yerinə Surxanı Rayon Polis İdarəsinin 33-cü Polis Bölməsinin əməkdaşları cəlb edilib. Faktla bağlı Suraxanı RPİ-də cinayət işi başlanılıb.