​Bakıda maşın 70 yaşlı süpürgəçi qadını VURUB ÖLDÜRDÜ - FOTO (YENİLƏNDİ)

Baxış sayı:
94

Bu gün Bakı şəhərinin Nizami rayonu ərazisində avtomobilin vurub öldürdüyü süpürgəçi qadının şəxsiyyəti müəyyənləşib.
Bakı Şəhər Baş Polis İdarəsi Dövlət Yol Polisi İdarəsinin İctimaiyyətlə əlaqələr şöbəsinin rəisi Vaqif Əsədov Publika.az-a bildirib ki, “Hyundai” markalı, 90 DX 135 dövlət qeydiyyat nişanlı avtomobilin vurub öldürdüyü MKİS işçisi 1948-ci il təvəllüdlü Eyvazova Bəsti Dostəli qızıdır, O, hadisə yerindəcə keçinib.

*****

11:36

Bakıda daha bir süpürgəçi qadın yol qəzasının qurbanı olub.
Bu barədə "Gənclər Klubu" İctimai Birliyinin rəhbəri Zaur Əkbər məlumat verib. O, məlumat verib ki, Nizami rayonu ərazisində - "Neftçilər" metrostansiyasının yaxınlığında avtomobil süpürgəçi qadını vurub öldürüb.
Faktla bağlı araşdırma aparılır.