ABŞ Senatı Ukraynanın müdafiə qabiliyyətinin artırılması üçün Kiyevə 250 milyon dolların ayrılmasına izn verib.

Muxalifet.az xəbər verir ki, bu sözləri öz Feysbuk səhifəsində Ukraynanın ABŞ-dakı səfirliyi yayıb.

Yeni yardımın Ukraynanın kiberhücumlardan müdafiəsinin gücləndirilməsinə, dövlət orqanlarının kompüter şəbəkələrində təhlükəsizliyin artırılmasına, Rusiya informasiya və kommunikasiya texnologiyalarından asılılığın azaldılmasına xərclənəcəyi vurğulanıb.

Qeyd edək ki, bu il ərzində Ukrayna ABŞ, Litva, Britaniya və Kanadadan 40 milyon dollarlıq hərbi yardım alıb. 2014-cü ildən bu yana isə ABŞ-ın Kiyevə verdiyi hərbi yardımların miqdarı 1 milyard dolları keçib.