FETÖ terror təşkilatnın necə xain qruplaşma olduğunu bütün dünya anlayıb. Bunu ABŞ da bir gün başa düşər.
Bu sözləri Türkiyə Xarici İşlər naziri Mövlud Çavuşoğlu söyləyib.
O,ölkəsinin ABŞ-dan bu günə qədər istədiyi dəstəyi görə bilməməsindən gileylənib. Nazir FETÖ rəhbəri Fətullah Gülənin ekstradisiya olunması barədə tələblərinin həyata keçirilməməsi və hələlik istintaq başladılmamasından təəssüfləndiklərini bildirib:
“ABŞ bizim ən önəmli müttəfiqlərimizdən biridir. FETÖ və PYD-yə silah verdiyi üçün ölkələrimiz arasındakı münasibətlərdə gərginlik yaranır. Bunları da dialoq yolu ilə həll etməyə çalışırıq”./axar/