Şimali Koreya hakimiyyəti Amerika Birləşmiş Ştatlarının (ABŞ) Birləşmiş Millətlər Təşkilatındakı (BMT) daimi nümayəndəsi Nikki Heylinin nüvə sınaqlarına görə, bu ölkəyə qarşı atdığı sərt addımları «isteriya» adlandırıb.
 
«Siyasi fahişə» – Şimali Koreya hakimiyyəti ABŞ-ın BMT-dəki daimi nümayəndəsi Nikki Heylini olduqca təhqiredici epitetlə «mükafatlandırıb». Nüfuzlu diplomata qarşı bu münasibəti Koreya Xalq Demokratik Respublikasının (KXDR) mərkəzi teleqraf agentliyi sərgiləyib.
Agentlik ABŞ-ın daimi nümayəndəsinin çağırışlarını «isteriya», Heylinin özünü isə «tumanını sərsəmcəsinə yelləyən» siyasi fahişə adlandırıb.
«O, tumanını sərsəmcəsinə yelləyir, Tramp administrasiyasının iyrənc sanksiyalarında və bizim raketlərə təzyiq göstərilməsində baş rolu oynayır» – deyə, agentlik yazıb.
«Nikki öz dili ilə ehtiyatlı olsa yaxşıdır. Amma o, kor axmaq da ola bilər. Onun sözlərinin qarşılığında ABŞ administrasiyası böyük bədəl ödəməli olacaq» – deyə, «Fox News» agentliyin bəyanatından sitat gətirir.