“Mənim İnsan hüquqları üzrə müvəkkil (ombudsman) vəzifəsinə gətirilməyimlə bağlı bəzi saytların dərc etdiyi xəbər cəfəngiyyatdan başqa bir şey deyil”. Muxalifet.az xəbər verir ki, bu sözləri modern.az-a açıqlamasında Milli Məclisin Səhiyyə komitəsinin üzvü Məlahət İbrahımqızı bildirib. Məlahət İbrahimqızı hakim Yeni Azərbaycan Partiyası Siyasi Şurasının üzvü, YAP Nəsimi rayon təşkilatının sədri, 21 saylı Nəsimi birinci seçki dairəsindən deputatdır. O, adının həqiqətə uyğun olmayan, yoxlanılmamış informasiyada hallandırılmasından narahat olduğunu deyib və həmin saytları məsuliyyətli olmağa çağırıb. Xatırladaq ki, hazırkı İnsan hüquqları üzrə müvəkkil (ombudsman) Elmira Süleymanovanın səlahiyyət müddəti 2017-ci il martın 5-də bitib.