Azərbaycan əsilli rusiyalı milyarder Vahid Ələkbərovun üzləşdiyi bütün problemlərə baxmayaraq, onun oğlu Rusiyanın ən varlı varisi olmaqda davam edir.
Qafqaz.media xəbər verir ki, “Forbes” rusiyalı milyarderlərin ən zəngin varislərinin növbəti reytinqini tərtib edib. Siyahıda 52 varisin adı var, onlar birlikdə 268 milyard dollar miras alacaqlar.
“Forbes” hesab edir ki, 29 aprel 2022-ci il tarixinə Rusiyada ümumi sərvəti 522 milyard dollar olan 113 milyarder olub. Bu məbləğ onların uşaqlarının ümumi sayına (340) bərabər bölünsə, onların hamısı da milyarder olacaq. Belə ki, onların hər birinə təxminən 1,5 milyard dollar miras düşür.

“Lukoyl”un ən böyük səhmdarı Vahid Ələkbərovun yeganə oğlu Yusuf Ələkbərov uzun illərdir ki, ən varlı varisdir. O, 21,4 milyard dollar sahibdir.
32 yaşlı Yusuf Ələkbərov şirkətin səhmlərinin 0,2%-nə sahibdir. 2022-ci ilin mayında onların dəyəri 90 milyon dollar idi. Üstəlik, o, atasının səhm paketini də alacaq (28,3%).

Xatırladaq ki, 2022-ci ilin aprelində Britaniyanın sanksiyaları altına düşən Vahid Ələkbərov şirkəti tərk edib. Lakin onun səhmləri “Lukoil”də qalır.
Kiçik Ələkbərovun “Ekto” holdinqi var və buraya altı şirkət daxildir. Gəlir baxımından ən böyüyü (2021-ci il üçün 11,4 milyard rubl) Mercedes-Benz dileri “Lukavto” olaraq qalır. Qrupun ən gənci 2021-ci ilin oktyabrında yaradılan “Tipzzdir” (onlayn məlumat vermək). Yusif və Alisanın toylarından sonra mülklərini idarə edən “Yusal” 2021-ci ilin noyabr ayından ləğv olunub.

“Forbes” reytinqində ikinci yerdə “EuroChem” və “SUEK”-in yaradıcısının qızı və oğlu Andrey Melniçenko (hər biri 11,35 milyard dollar), üçüncü yerdə “Sibur” və “Novatek” şirkətlərinin ortaq sahibi Leonid Mixelsonun varisləri (hər biri 11,35 milyard dollar) qərarlaşıb.