Azərbaycan Ermənistan hökumətinin Qarabağı danışıqlar tərəfi elan etməsi təklifini qəbul etmir.
Bunu “168 Jam”a müsahibəsində ABŞ-ın Azərbaycandakı keçmiş səfiri Metyu Brayza deyib.
“Danışıqlar prosesində verməli və almalısan. Əgər siz başqa tərəfdən nəsə istəyirsinizsə, gərək qarşılığında nəsə təklif edəsiniz. Məncə, Azərbaycan hazırda demək istəyir ki, etmək istəmədiyimiz şeyi etsək, nə əldə edəcəyik? Yəni bu vacib addım üçün ödənilməli olan qiymət var. Bu, iki tərəfin də işidir”, - deyə o bildirib.//Axar.