​Zəvvarlar müqəddəs şəhərlərə yola düşdü

Baxış sayı: 34

Bu gün Qafqaz Müsəlmanları İdarəsi (QMİ) bir qrup zəvvarı müqəddəs şəhərlərə yola salıb.
İdarədən Muxalifet.az-a verilən məlumata görə, onlar oktyabrın 6-da səfərə çıxmalı olsalar da, ancaq müəyyən səbəblərdən tarix dəyişdirilib.
Məlumata əsasən, zəvvarlar ilk olaraq İranın ikinci böyük şəhəri olan Məşhəddə müqəddəs yerləri ziyarət edəcəklər: "Onlar ziyarətə avtobusla yola düşblər və qrupa QMİ-nin iki əməkdaşı rəhbərlik edir. Məşhəddən sonra İraqın Kərbəla və Nəcəf şəhərləri ziyarət olunacaq. Samirə şəhərinin də ziyarət olunması planlaşdırılır".
Qeyd edək ki, səfər 10-12 gün çəkəcək. Avtobusla ziyarətin qiyməti 300 dollardır. Bu qiymətə zəvvarlar dördulduzlu oteldə qalacaqlar. Gələcəkdə zəvvarların təyyarə ilə də aparılması nəzərdə tutulur. Təyyarə ilə qiymətlər 870 dollar olacaq, bu qiymətə də zəvvarlar beşulduzlu otellərdə qala biləcəklər".