Yeni soyuq savaş gedir: Ağ Ev Rusiya üçün sərhədlər cızır

Baxış sayı: 52

ABŞ və Rusiya arasında yeni soyuq müharibə başlayıb.
Bunu jurnalistlərə açıqlamasında ABŞ-ın keçmiş müdafiə naziri Leon Panetta söyləyib. Onun sözlərinə görə, Vaşinqton Rusiyanın Yaxın Şərqə təsirinin qarşısını almalıdır:
“Əgər ABŞ sərt reaksiya verməsə, o zaman Rusiya Prezidenti Vladimir Putin bundan fayda götürəcək. ABŞ Rusiyaya keçilməsi mümkün olmayan və qəbul edilməyən sərhədlərin olmasını başa salmalıdır. Ağ Ev bu gün Rusiya ilə bağlı yaxşı iş aparmır. Vaşinqton ümid etməməlidir ki, Moskva nə zamansa “yaxşı oğlan” olacaq. Siz gərək onlarla sərt olasınız. Keçmişdə biz Putinlə danışıqlar aparmışıq və uğur əldə etmişik, amma indiki hakimiyyət bu istiqamətdə gücünü göstərməlidir”.