Yaralı erməni əsgərləri İrəvana daşınır

Baxış sayı: 80

17 iyunda cəbhədə yaralanan Yuri Zakaryan bu gün Xandəndində İrəvana aparılıb.
 
Nyus.am xəbər verir ki, bu barədə Ermənistan Müdafiə Nazirliyinin Mərkəzi Hərbi Hospitalının reanimasiya şöbəsinin rəhbəri Hayane Ovannisyan media açıqlamasında deyib. O bildirib ki, Zakaryanın vəziyyəti olduqca ağırdır.
Ovannisyan həmçinin bundan əvvəl daha iki erməni əsgərin iyunun 17-də sözügedən hospitalın reanimasiya şöbəsinə yerləşdirildiyini təsdiqləyib.
“1997-ci il təvəllüdlü Armen Vardanyan minanın partlaması nəticəsində başından qəlpə yarası alıb. Digər gözündən ağır yara alan əsgər isə Malayan adına mərkəzə köçürüldü”, - o qeyd edib.
Ermənistan MN yenə də 4 əsgərinin öldüyünü, 3-nün yaralandığını bildirib.
Xatırladaq ki, 16-17 iyun tarixlərində Ermənistanın cəbhədə törətdiyi təxribatın qarşısı alınarkən Azərbaycan Ordusunun endirdiyi cavab zərbəsi nəticəsində 6 erməni əsgər məhv edilib, bir neçə əsgər isə yaralanıb. Onlardan bəzilərinin vəziyyəti çox ağırdır.