Xorvatiya, Almaniya, Hollandiya və Avstriya AVRO-2020-yə yüksəldi
AVRO-2020-nin seçmə mərhələsində IX tur başa çatıb.
Apasport.az-ın məlumatına görə, Azərbaycan yığmasının yer aldığı E qrupunda Xorvatiya Slovakiyanı qəbul edib.
Dünya çempionatının gümüş mükafatçısı ilk yarıdan sonra hesabda geri olsa da, əzmkar qələbə qazanıb. Bu, Xorvatiyaya qrupda 1-ci yeri və AVRO-2020-yə vəsiqəni təmin etmək imkanı verib.
G qrupunda Polşa səfərdə İsrailə, Avstriya evdə Şimali Makedoniyaya qalib gəlib. Bununla da Polşa 1-ci yeri təmin edib. Avstriya isə final mərhələsinə vəsiqəni 2-ci yerlə qazanıb.
C qrupunda iki matç oynanılıb. Almaniya Belarus üzərində asan qələbə əldə edib. Bu nəticə Bundestimi AVRO-2020-yə daşıyıb. Hollandiya isə çətin Şimali İrlandiya səfərdindəki heç-heçə ilə final mərhələsinə adlayıb. Lakin qrup qalibinin adına son tur aydınlıq gətirəcək.
Qeyd edək ki, Almaniya, Hollandiya, Xorvatiya və Avstriyaya qədər oyunları 12 şəhərdə, o cümlədən Bakıda keçiriləcək final mərhələsinə daha 12 komanda - Belçika, Polşa, Ukrayna, Rusiya, İspaniya, İtaliya, Türkiyə, Fransa, İngiltərə, Çexiya, Finlandiya və İsveç vəsiqə qazanıb.
AVRO-2020-nin seçmə mərhələsi
IX tur
16 noyabr
C qrupu
23:45. Şimali İrlandiya – Hollandiya – 0:0
23:45. Almaniya – Belarus – 4:0
Ginter, 41, Qoretska, 49, Kroos, 56, 83
1 | Almaniya | 7 | 6 | 0 | 1 | 24-6 | 18 |
2 | Hollandiya | 7 | 5 | 1 | 1 | 19-7 | 16 |
3 | Ş.İrlandiya | 7 | 4 | 1 | 2 | 8-7 | 13 |
4 | Belarus | 8 | 1 | 1 | 6 | 4-16 | 4 |
5 | Estoniya | 7 | 0 | 1 | 6 | 2-21 | 1 |
Son turun oyunları noyabrın 19-da keçiriləcək: Hollandiya – Estoniya, Almaniya – Şimali İrlandiya.
E qrupu
23:45. Xorvatiya – Slovakiya – 3:1
Vlaşiç, 56, Petkoviç, 60, Perişiç, 76
1 | Xorvatiya | 8 | 5 | 2 | 1 | 17-7 | 17 |
2 | Macarıstan | 7 | 4 | 0 | 3 | 8-9 | 12 |
3 | Uels | 7 | 3 | 2 | 2 | 8-6 | 11 |
4 | Slovakiya | 7 | 3 | 1 | 3 | 11-11 | 10 |
5 | Azərbaycan | 7 | 0 | 1 | 6 | 5-16 | 1 |
Son turun oyunları noyabrın 19-da keçiriləcək: Uels – Macarıstan, Slovakiya – Azərbaycan.
G qrupu
23:45. Avstriya – Şimali Makedoniya – 2:1
Alaba, 8, Layner, 48 - Stoyanovski, 90+3
23:45. İsrail – Polşa – 1:2
Dabbur, 88 - Krxovyak, 4, Pyatek, 54
1 | Polşa | 9 | 7 | 1 | 1 | 15-3 | 22 |
2 | Avstriya | 9 | 6 | 1 | 2 | 19-8 | 19 |
3 | Sloveniya | 9 | 4 | 2 | 3 | 14-8 | 14 |
4 | Ş.Makedoniya | 9 | 3 | 2 | 4 | 11-13 | 11 |
5 | İsrail | 9 | 3 | 2 | 4 | 16-17 | 11 |
6 | Latviya | 9 | 0 | 0 | 9 | 2-28 | 0 |
Son turun oyunları noyabrın 19-da keçiriləcək: Polşa – Sloveniya, Latviya – Avstriya, Şimali Makedoniya – İsrail.