“Vaşinqton Post” qəzeti, Səudiyyəli jurnalist Camal Qaşıqçı-nın öldürülməsindən sonra Səudiyyə Ərəbistanının vəliəhd şahzadəsi Məhəmməd bin Salmanın nüfuzunun ciddi şəkildə zədələndiyini və ölkə rəhbərliyindəki mövqeyinin da təhlükəyə düşdüyünü yazıb.
 
Xəbərdə, "ABŞ prezidenti Donald Tramp, 33 yaşlı vəliəhd şahzadə Məhəmməd bin Salmanın ən böyük tərəfdarlarındandır, ancaq o da Ər-Riyadın Qaşıqçı məsələsinin həyata keçirilmə formasını açıq şəkildə tənqid etdi" deyə qeyd edilib.
ABŞ prezidenti Trampın Səudiyyə Ərəbistanına silah satışını dayandırma və sanksiya tətbiqi məsələsində istəksiz olduğuna vurğu edilən xəbərdə, buna baxmayaraq, Konqresdəki həm Respublikaçı, həm Demokrat vəkillərin Səudiyyə rəhbərliyinə təpkisini ortaya qoyduğu və həmçinin iş dünyasından bir çox şəxsin də Səudiyyə Ərəbistanından dəstəyini çəkdiyi qeyd edilib.
 
Yeni kral ssenarisi
 
Səudiyyə Ərəbistanının vəliəhd şahzadəsi bin Salmanın rəhbərlikdəki mövqeyinin təhlükəyə düşdüyü və kral Salman bin Əbdüləziz üzərindəki təzyiqlərin artdığı bildirilən xəbərdə, bu ifadələr işlədilib:
“Kral bin Əbdüləzizin Londonda yaşayan qardaşı şahzadə Əhməd bin Əbdüləzizin Səudiyyə Ərəbistanına qayıtdığına dair çıxan xəbərlər, taxtın sonrakı sahibinin dəyişə biləcəyi fərziyyələrini da artırıb. Ortaya qoyulan ssenarilərdən biri, Məhəmməd bin Salmanın hakimiyyətini, Krallığa qarşı beynəlxalq etimadı yenidən təmin edəcək daha yüksək səviyyəli bir qohumu ilə bölüşməyə məcbur edilməsidir."
Xəbərdə, Tramp rəhbərliyinin, bin Salmana, Yəməndəki daxili müharibə, Qətərə qarşı embarqo və Livanın baş naziri Saad Haririnin qaçırılması kimi məsələlərdə arxa çıxdığı xatırladılıb.
Qaşıqçı cinayətindən sonra vəziyyətin dəyişdiyi vurğulanan xəbərdə, "Səudiyyə Ərəbistanı keçmişdə Yəmən mövzusunda beynəlxalq tənqidlərin hədəfi olanda, Tramp rəhbərliyi, daimi Ər-Riyadı müdafiə etdi, amma Qaşıqçı-nın öldürülməsindən sonra bu vəziyyət dəyişir" deyə bildirilib.
Müxalifət.az