Uşaqlara qarşı cinsi istismarla gündəmə gələn Vatikanın uşaq sahibi olan keşişlər üçün gizli qaydaları ifşa olub. Məsələ ilə bağlı açıqlama verən Vatikanın sözçüsü Gisotti, gizli qaydaların olduğu sirli sənədin varlığını qəbul edib.
 
Keşiş və kardinalların uşaqlara və qadınlara cinsi təcavüz və istismarı qalmaqalları ilə gündəmdən düşməyən Vatikanın nikahsızlıq qaydasını pozaraq uşaq sahibi olan keşişlər üçün hazırladığı bir sənədin olduğu ortaya çıxıb.
“New York Times”-ın xəbərinə görə, "sirli sənəd" İrlandiyada bir psixoterapevt olan Vincent Doyle adlı bir adamın anasından xaç atası kimi tanınan Katolik keşişin bioloji atası olduğunu öyrənməsi ilə ortaya çıxıb. Bir arxiyepiskop Doyle-yə nikahsızlıq qaydasını pozaraq uşaq sahibi olan keşişlərlə bağlı bir sənəd göstərib. Arxiyepiskop sənədin bir surətini istəyən Doyle-yə bunun bir sirr olduğunu söyləyərək təklifi rədd edib.
 Vatikan sözçüsü Alessandro Gisotti “Times”-a "Bu qaydaların olduğunu qəbul edirəm, amma bu daxili fəaliyyətlə bağlı bir sənəddir" deyib. "Uşaqlı keşişlərin "günah çıxarmaq" üçün gələn bəzi qadınlara yönəlmiş istismar və təcavüz kimi hadisələrin nəticəsi olduğu irəli sürülüb. Qalmaqaldan sonra vəziyyətdən əziyyət çəkən uşaqlara yardım etmək üçün işlər başlayıb.
 
Kardinal qalmaqalı
 
 Vatikan uzun müddətdir pedofil, cinsi istismar və təcavüz iddiaları ilə gündəmə gəlir. Yaxın zamanda Qədim Vaşinqton Arxiyepiskopu Teodor Makkarrickin xidmət etdiyi dövrdə günah etiraflarını dinlədiyi bir adama cinsi əlaqə təklif etdiyi, bəzi böyüklərə və uşaqlara cinsi təcavüzdə olduğu ortaya çıxıb. Vatikan ABŞ-lı kardinalın işlərdən uzaqlaşdırıldığını açıqlayıb.
 
Papa bacılara təcavüzü etiraf etdi
 
 Katoliklərin ruhani lideri Papa Frensis BƏƏ səfərindən qayıdarkən jurnalistlərə verdiyi müsahibədə, bacıların keşişlər və yepiskoplar tərəfindən cinsi təcavüzə uğradığını etiraf edib. Papa Frensis "Hələ də bu tərz istismarın olduğuna inanıram" deyib.
 
Sistematik olaraq üstü örtülür
 
Qeyd edək ki, 2014-də olunan cinsi təcavüz və uşaq istismarı haqqındakı BMT hesabatında, Vatikan keşişlərə qarşı cinsi istismar iddialarının üstünü örtərək on minlərlə uşağın yaşadığı ədalətsizliyə göz yummaqla günahlandırılmışdı.
 
Vatikan "təcavüz şəbəkəsini" illərdir bilir
 
 ABŞ-da Pensilvaniyanın baş prokuroru Coş Şapiro tərəfindən aparılan istintaq prosesində, təhqiqat məhkəməsi 300-dən çox keşişin 1950-ci illərdən bəri uşaqları təcavüz və istismar etdiyini açıqlayıb.
Müxalifət.az