“Vaşinqton Post” Pompeonu ifşa etdi
ABŞ-ın “Vaşinqton Post” qəzetinin New York-da ABŞ dövlət katibi Pompeo ilə Yəhudi liderlər arasında edilən bir yığıncağın səsyazmasına söykədiyi xəbərdə, Pompeonun İngiltərə siyasətiylə əlaqədar açıqlamasına yer verildi.
Xəbərə görə, Pompeo İngiltərə İşçi Partiyasının lideri Corbynun seçkilərdə qalib gəldiyi təqdirdə İngiltərədəki Yəhudilərin vəziyyəti mövzusunda bu qruplara kömək edəcəyini ifadə edib.
"Bu reallaşdımı ondan sonrakı addımlar çox çətin olar"
Xəbərə görə, Pompeo söz mövzusu olan yığıncaqda, "Corbyn seçilə bilər, bu mümkündür. Ancaq bunu bilməlisiniz ki, onun (Yəhudi qruplara yönəlik) reaksiya verməsini gözləmədən əlimizdən gələnin ən yaxşısını edəcəyik. Çünki bu vəziyyət bir dəfə reallaşdımı, ondan sonra (atılacaq addımlar) çox riskli və çox çətin olacaq" deyib.
İngiltərədə zaman zaman antisemit olmaqla günahlandırılan ana müxalifət lideri Corbyn, ABŞ-ın və Donald Tramp rəhbərliyinin bir çox tətbiqinə etiraz etməsiylə tanınır. Corbyn Trampın son İngiltərə ziyarətində də bir çox dəvətə qatılmamışdı.
İngiltərədəki bəzi Yəhudi təşkilatları ana müxalifətdəki Corbynu antisemitizmə göz yummaqla günahlandırmış və ona etiraz etmişdi. Corbyn isə günahlandırmaları rədd etmiş, bu mövzudakı həssaslığını artıracağı sözünü vermişdi.
Qeyd edək ki, ölkədəki aidiyyatı təşkilat olan Bərabərlik və İnsan Haqqları Komissiyası keçən ay İşçi Partiyasının antisemit hərəkətlər içində olub olmadığına yönəlik bir istintaq başlatmışdı.
Müxalifət.az