Fevralın 5-də Mustafayev Rafiq Məmməd oğlunun başına təpə nahiyəsindən küt travma xəsarəti alaraq ölməsi barədə məlumat daxil olub.
Muxalifet.az qafqazinfo-ya istinadən xəbər verir ki, dərhal polis və prokurorluq orqanlarının əməkdaşları hadisə yerinə baxış keçiriblər. Ölümün səbəbinin müəyyən olunması məqsədi ilə məhkəmə tibb ekspertizası təyin olunub, digər zəruri istintaq hərəkətləri aparılıb.
İlkin araşdırma zamanı müəyyən olunub ki, 1953-cü il təvəllüdlü Rafiq Məmmədov yüksək qan təzyiqi ilə bağlı keçirdiyi narahatlıqlara görə həkim müayinəsində olub. Fevralın 5-i saat 13 radələrində yaşadığı evə qayıdarkən qan təzyiqinin yüksəlməsi nəticəsində yıxılıb, başı evin pilləkəninə dəyərək təpə nahiyəsindən küt travma xəsarəti alıb və evdə vəfat edib.
Faktla bağlı Şəki rayon prokurorluğunda araşdırma aparılır.