Erol Əşrəfoğluna 6 il 8 ay həbs cəzası verilib

Türkiyənin tanınmış iş adamlarından biri həbs edilib.

Türkiyədə Evcil ləqəbi ilə tanınan Erol Əşrəfoğlu adlı iş adamı cinayət qruplaşması yaratmaq səbəbilə həbsə məhkum edilib.

Əvvəlcədən haqqında çıxarılmış qərara əsasən, axtarışda olan iş adamını ötən gecə İzmir cinayətlərlə mübarizə şöbəsi əməkdaşları Foça rayonundakı evinə basqın edərək tapıblar.

Polislər tərəfindən yaxalanan Erol idarədə aparılan prosedurlardan sonra həbsxanaya göndərilib.

Qeyd edək ki, müxtəlif cinayətlər törətmək məqsədilə qruplaşma quran Erol Əşrəfoğluna 6 il 8 ay həbs cəzası verilib.