Türkiyəli diplomatlara hücum edən daha üç terrorçu yaxalandı - FOTOLAR
İyulun 17-də türkiyəli diplomatlara hücum edən digər 3 terrorçu da saxlanılıb.
Musavat.com bu barədə habertürk-ə istinadən xəbər verir.
Məlumata görə, Ərbil Təhlükəsizlik İdarəsinin əməkdaşları Türkiyənin Baş Konsulluğunun əməkdaşlarına hücum edən
daha 3 terrorçunu zərərsizləşdiriblər.
Diplomatlara hücum edən Mazlum Dağ kod adlı terrorçuya kömək edən Mamand kod adlı Məhəmməd Beşiksiz və onunla bərabər iki nəfər iyulun 20-də, axşam saatlarında saxlanılıb.
Verilən açıqlamalara görə, terrorçular Şimali İraqda Mahmur yolu Mantakava səmtində ələ keçirilib.
Qeyd edək ki, iyulun 17-də İraqın Ərbil şəhərindəki restoranların birində Türkiyə Baş konsulluğunun əməkdaşlarına silahlı hücum olub. Baş konsulluğun əməkdaşı Osman Köse və digər iki İraq vətəndaşı öldürülüb.