Türkiyənin Tekirdağ bölgəsində 41 yaşlı azərbaycanlı Günay Səfərova yaşadığı evdə sevgilisi Tarık T. tərəfindən qətlə yetirilib.
Bu barədə Türkiyə mətbuatı məlumatı yayıb.
Hadisə Tükirdağın Çorlu qəsəbəsində ötən gün baş verib. 48 yaşlı Türkiyə vətəndaşı Tarık T. qızı və oğlu ilə birgə yaşayan sevgilisi Günay Səfərovanın evinə gedib. Onların arasında məlum olmayan səbəbdən mübahisə yaranıb və Tarık T.  Səfərovanı 8 bıçaq zərbəsi ilə qətlə yetirib. Daha sonra bıçaqla bərabər polis bölməsinə gəlib və təslim olub.
Polis əməkdaşları G. Səfərovanın yaşadığı Kazımiye məhəlləsinə gələrək çilingər yardımı ilə evə daxil olublar. Meyit Çorlu Dövlət Xəstəxanasının morquna aparılıb. Səfərovanın evin eyvanında saxladığı iki it Çorlu bələdiyyəsinə məxsus heyvan sığınacağına yerləşdirilib.
Hazırda qətlin təfərrütaları araşdırılır./Virtualaz.org