Türkiyə parlamenti ölkədə davam edən fövqəladə vəziyyətin yeddinci dəfə uzadılmasını müzakirə edəcək.
Trend-in məlumatına görə, bu məsələnin müzakirəsi aprelin 18-nə nəzərdə tutulub.
Bir müddət əvvəl Türkiyə baş nazirinin müavini Bekir Bozdağ müddətin uzadıla biləcəyini vurğulamışdı.
Xatırladaq ki, Türkiyədə fövqəladə vəziyyət 2016-cı ildə ölkədə hərbi çevrilişə cəhddən sonra tətbiq edilib.
Daha öncə fövqəladə vəziyyətin fevral ayında bitəcəyi deyilsə də, müddəti uzadılmışdı.