Türkiyə prezidenti Rəcəb Tayyib Ərdoğanın 13 noyabrda ABŞ-a səfərinin dəqiqləşməsi bu ölkədə yeni bir Türkiyə qarşıdurması yaradıb.
Publika.az xəbər verir ki, Konqresin bəzi senatorları Türkiyəyə qarşı sanksiya layihəsinin Ərdoğan Vaşiqntonda ikən mütləq gündəmə gətirilməsini istəyib.
ABŞ prezidenti Donald Trampın Administrasiyası isə təklifə müsbət yanaşmayıb.

Zaman mübahisəsi

Senatın Xarici Əlaqələr Komitəsinin sədri Cim Risş Ərdoğan ölkələrində ikən layihənin gündəmə gətirilməsinin yaxşı fikir olmadığını deyib. Həmin komitəni n demokrat üzvü Bob Menendez isə xronologoiyaya əsasən, Türkiyəyə sanksiya qərarınən gələn həftə etibarilə səsverməyə çıxarılmasının gərəkliliyini vurğulayıb.

Həqarət etdilər

Bəzi senatorlar da mübahisəyə qoşulub. Sosial mediadan “Tramp Ərdoğanın Ağ Evə səfərini təsdiqlədi” xəbərini etiketləyərək şərh verən Konnektikut ştatı senatoru Riçard Blumental “Trampın Ərdoğanla xoş bir yemək üçün təkidi göstərir ki, Suriyada kürd ortaqlarımıza edilən hücumları şokedici şəkildə görməzdən gəlir” deyərək Ərdoğanı təhqir edib.

Sanksiya istədilər

Türkiyəyə qarşı həmlə bununla bitməyib. 5 senator Dövlət Departamentinin rəhbəri Mayk Pompeoya Türkiyənin Suriyadakı təhlükəsiz bölgə xaricində fəaliyyət göstərdiyi iddialarının incələnməsini tələb edən məktub ünvanlayıb. Məktubda iqtisadi sanksiyaların tətbiqi tələb olunub.

Pentaqondan qəribə açıqlama

Türkiyəyə bir çox sahədə sanksiya tətbiq edilməsini ehtiva edən layihə ABŞ Nümayəndələr Palatasında qaəbul edilmişdi. ABŞ sisteminə görə, bir layihə qanuniləşməsi üçün Senatda qəbul edilməlidir. Layihə Senat səsverməsində üçdən-ikilik səs alarsa, prezidentin təsdiqi olmadan qanuniləşə bilər.
Digər tərəfdən, YPG/PKK-nın muxtar idarəetməsinin iddialarından sonra hərəkətə keçən Pentaqondan ötən gün bir açıqlama gəlib. Belə ki, ABŞ Türkiyəyə satdığı silahlarla müharibə cinayəti törədib-törətmədiyini araşdıracaq.