ABŞ prezidenti Donald Trampın impiçment edilməsi ölkədə vətəndaş müharibəsinə gətirib çıxara bilər.
Muxalifet.az xəbər verir ki, bunu Tramp özü iddia edib.
Tvitter hesabından paylaşdığı mesajda vəzifəsindən kənarlaşdırılmasının ölkədə vətəndaş müharibəsinə bənzər çatlaq yaradacağını deyib.
Aparılan anket sorğularına görə, amerikalılar Konqresin Nümayəndələr Palatasının Trampı impiçment etməsindən razıdır. Amerikalıların 55%-i Tramp haqqında istintaqın açılmasını qəbul edərkən, 45%-i belə bir istintaqın lazımsız olduğunu deyir.
Donald Trampın başqa bir dərdi də var. Robert Müllerin istintaqını etibarsızlaşdırmaq üçün Avstraliya baş naziri Skot Morrisona təzyiq etdiyi iddia olunur.
Qeyd edək ki, Tramp Ukrayna prezidenti Vladimir Zelenskiyə 2020-ci il prezident seçkilərində namizədliyini irəli sürən demokrat Co Baydenin oğlunun bu ölkədəki keçmişini araşdırması üçün tapşırıq verdiyi ortaya çıxıb. Konqresin Nümayəndələr Palatası isə namizədlərinə qarşı bu hərəkəti qəbul etməyib və Trampı impiçment edib.