ABŞ ordusu koronavirusla mübarizə məqsədiylə Nyu-York ştatına yeridilib.

Publika.az xəbər verir ki, Milli Qvardiya qoşunlarının vəzifəsi otellərin, yataqxanaların və idman mərkəzlərinin reanimasiya şöbələrinə o cümlədən oxşar tibb müəssisələrinə çevrilməsini təmin etməkdir. Hakim dairələr Nyu-Yorkda 10 min civarında reanimasiya şöbəsi yaratmaq niyyətindədir. Bildirilir ki, hakim dairələr prezident Donald Trampın göstərişi ilə belə addım atıb.

Qeyd edək ki, ABŞ-da koronavirusdan ölənlərin sayı 340 nəfərə, virusa yoluxanların sayı isə 27 minə çatıb. Ən çox yoluxma halı Nyu-York ştatında qeydə alınıb.