ABŞ prezidenti Donald Tramp polad və alüminiumun idxal rüsumlarının ləğvi üçün şərtləri açıqlayıb.
Bunun üçün Avropa, birinci addımı ataraq, Amerika mallarına tətbiq olunan idxal rüsumlarını ləğv etməlidir.
“Avropa İttifaqı, ABŞ-la ticarət məsələlərində çox pis davranan gözəl ölkələr polad və alüminiumun idxal rüsumlarından şikayətlənirlər. Əgər onlar idxal olunan Amerika mallarına tətbiq etdikləri dəhşətli maneələri və rüsumları aradan qaldırarlarsa, onda biz də öz rüsumlarımızı ləğv edəcəyik. Böyük defisit. Əks təqdirdə biz Avropanın avtomobillərinə və digər mallarına da rüsumlar tətbiq edəcəyik”, - deyə Tramp qeyd edib.