​Tramp ABŞ-ı NATO-dan çıxarmaq İSTƏYİRMİŞ

Baxış sayı:
3145

Əfsanəvi jurnalist Bob Vudvordun “Qorxu: Tramp Ağ Evdə” kitabında ABŞ prezidenti Donald Tramp haqda yeni təfərrüatlar üzə çıxıb.
Muxalifet.az “Ria Novosti” agentliyinə istinadən xəbər verir ki, kitabda Pentaqon rəhbəri Ceyms Mettisin prezident Trampı NATO-nu saxlamağa çox çətinliklə inandırdığı yer alıb.
Mettis təyin olunmamışdan üç həftə əvvəl prezidentlə yemək zamanı onu NATO alyansını saxlamağa inandırmalı olub. Bilindiyi kimi ABŞ prezidenti alyansın böyük xərcini (70%) öz ölkəsinin çəkdiyi üçün dəfələrlə bu alyansdan çıxmaq istədiyinə işarə edib.
“Əgər NATO olmasaydı, belə bir şey fikirləşmək lazım olardı. Rusiya NATO-ya qarşı çıxsa müharibəni uda bilməyəcək” – kitabda Mettisin özünü bu cür ifadə etdiyi bildirilir.
“Yeməyin sonunda deyəsən Trampı inandırmaq mümkün oldu. - “Yaxşı öz NATO-nuzu ala bilərsiniz. Administrasiya alyansı dəstəkləyəcək amma siz (Mettis red.) kirayə pullarını yığmalı olacaqsınız” – Vudvord mənbəni göstərmədən Trampdan sitat gətirib.
Onun sözlərinə görə Pentaqon rəhbəri gülümsəyib və başı ilə razı olduğunu işarə edib.
Kitabdakı digər ifadələr də bu fikirləri təsdiq edir. Belə ki, bundan əvvəl kitabda Mettisin Trampın dünyanı 4-5 yaşındakı uşaq kimi qavradığı ifadəsi yer alıb.
Xatırladaq ki, Vudvordun “Qorxu: Tramp Ağ Evdə” kitabının bu gün işıq üzü görəcəyi gözlənilir.
Qeyd edək ki, Bob Vudvord ABŞ-da Uotorqeyt qalmaqalını araşdıran iki jurnalistdən biridir. Bu araşdırma vaxtında prezident Riçard Niksonun istefa verməsinə gətirib çıxarıb.