Sobçak Putinin müdafiəsinə qalxdı - “Bu, hasarda “*****” sözünü yazıb sevinmək kimidir”
9-07-2019 10:05
Baxış sayı:
4771
Teleaparıcı Kseniya Sobçak, Gürcüstanın “Rustavi 2” telekanalının efirində jurnalist tərəfindən təhqir olunan, Rusiya prezidenti Vladimir Putinin müdafiəsinə qalxıb. “Qafqazinfo” xəbər verir ki, tanınmış bu haqda Teleqram kanalında yazıb.
“Putin sizin xoşunuza gəlməyə bilər, amma Putini qeyri-etik təhqir edərək aşağılanmaq ağılsızlıq və çox güman ki, zəif mövqeyin göstəricisidir”, - Sobçak izah edib.
Teleaparıcının fikrincə, Georgi Qabuniyanın addımı yeniyetmə oyununu xatırladır: “Bu, hasarda “*****” sözünü yazıb sevinmək kimidir”, - Sobçak qeyd edib.
Xatırladaq ki, Qabuniya aparıcısı olduğu “Postskriptum” proqramında Rusiya prezidenti Vladimir Putin və onun valideynlərinin ünvanına rus dilində qeyri-etik ifadələr və söyüş işlədib. Onun bu cür davranışı qalmaqala səbəb olub.