Almaniyada radikal islamçıların terakt təşkil etmək təhdidi artıb.
Bunu jurnalistlərə açıqlamasında Almaniya Əks-kəşfiyyat Xidmətinin rəhbəri Hans Georq Maasen söyləyib. Onun sözlərinə görə, radikal islamçıların böyük hissəsi Suriya və İraqdakı döyüşlərdə iştirak etdiyi üçün onlardan gələn təhdid də böyükdür.
Maasen hazırda Almaniya ərazisində Çeçenistan, Dağıstan və İnquşetiyadan olan 500 radikal islamçının olduğunu bildirib:
“Ölkə üçün əsas təhdidlərdən biri sələfizm cərəyanıdır. Onların sayı Almaniyada hazırda 11 min nəfərdir”./axar/