Ermənistan prezidenti Armen Sarkisyan bu həftənin əvvəlində Moskvada səfərdə olub.
Bu haqda “Kommersant” nəşrinə Rusiyanın dövlət strukturlarındakı mənbələr bildirib.
O Rusiyanın Xarici İşlər Nazirliyinin başçısı Sergey Lavrov və onun müavini Qriqor Karasin ilə görüşüb. Nəşrin həmsöhbətlərinin sözlərinə görə, danışıqların mərkəzində Rusiya-Ermənistan münasibətləri, mümkün parlament seçkiləri ərəfəsində Ermənistandakı vəziyyət və Kollektiv Təhlükəsizlik Müqaviləsi Təşkilatının baş katibi Yuri Xaçaturov ətrafındakı vəziyyətin müzakirəsi olub.
Armen Sarkisyanın Moskvaya Nyu-York və Paris səfərlərindən sonra baş çəkməsi diqqət çəkir. Ermənistan prezidenti iyulda Moskvada işgüzar səfərdə olub. Bu dəfə isə səfərlə bağlı informasiya yayılmayıb, danışıqların qeyri-formal statusa malik olduğu bildirilir.